AQTA Bakının Xəzər rayonunda keçirilən yoxlama zamanı son istifadə tarixi dəyişdirilmiş və yararlılıq müddəti bitmiş 49 mindən çox alkoqolsuz içki aşkarlayıb. Faktla bağlı araşdırma aparılır.
Binədə iki avtobusun toqquşması ilə nəticələnən qəzanın qanunsuz sərnişindaşıma ilə məşğul olan avtobusun səbəbindən baş verdiyi iddia edilir. Hadisə nəticəsində 22 nəfər xəsarət alıb, onlardan biri reanimasiyadadır.
Azərbaycanda mopedlərin texniki baxışı, qeydiyyatı, dövlət nömrə nişanı və sürücülük vəsiqəsi ilə bağlı dövlət rüsumlarının məbləği təsdiqlənib.
Prezident İlham Əliyevin təsdiqlədiyi dəyişikliklərə əsasən, Azərbaycanda mopedlərin dövlət qeydiyyatı, qeydiyyat nişanı, "A1" kateqoriyalı sürücülük vəsiqəsi və icbari sığortası məcburi olacaq.
Bakıda fəaliyyət göstərdiyi iddia edilən mütəşəkkil dəstə saxta şirkətlər və elektron vergi sənədləri vasitəsilə 41,8 milyon manata yaxın vəsaiti leqallaşdırmaqda ittiham olunur. İş Bakı Ağır Cinayətlər Məhkəməsində araşdırılır.
Qafqazinfo-nun məlumatına görə, Sabunçudakı 4 saylı Notariat Ofisinin xüsusi notariusu Səbuhi Əliyev külli miqdarda mənimsəmə ittihamı ilə cinayət məsuliyyətinə cəlb edilib. Onun barəsində polisin nəzarəti altına vermə qətimkan tədbiri seçilib.
FHN-in məlumatına görə, Ağdamın Kəngərli kəndində açıq ərazidə yanğın baş verib. Hadisə yerinə yanğınsöndürmə qüvvələri cəlb olunub və alovun söndürülməsi istiqamətində əməliyyat davam edir.
FHN-in məlumatına görə, Ağdamın Sarıcalı kəndində açıq ərazidə baş vermiş yanğın operativ müdaxilə nəticəsində söndürülüb. Alovun ətraf ərazilərə yayılmasının qarşısı vaxtında alınıb.
İtaliyada idman jurnalisti Luka Espozito amansızlıqla qətlə yetirilib. Onun meyiti Salerno əyalətində aşkarlanıb. Polis cinayətin motivi və şübhəlilərin müəyyənləşdirilməsi istiqamətində araşdırmaları davam etdirir.
Ağdamın Sarıcalı kəndi yaxınlığında baş verən yanğın mina ilə çirklənmiş əraziyə keçib. Nəticədə bir neçə mina partlayışı baş verib, bu isə yanğınsöndürmə işlərini çətinləşdirir. FHN qüvvələri hadisə yerində əməliyyatı davam etdirir.
DHA-nın məlumatına görə, Oğuzhan Uğurun 2017-ci ildə oğurluq maddəsi ilə bağlı araşdırması aparılsa da, sonradan iş üzrə cinayət təqibinə xitam verilib və məsələ məhkəməyə çıxarılmayıb.
Xətai rayonunda avtoyuma məntəqəsinə təhvil verilən "Subaru" markalı avtomobili qanunsuz aparmaqda şübhəli bilinən şəxs Kürdəmir istiqamətində saxlanılıb.