Rusiyanın bir sıra hava limanlarında dron hücumları səbəbindən uçuşlara müvəqqəti məhdudiyyətlər tətbiq edilib. Məhdudiyyətlər nəticəsində “Vnukovo” hava limanından Bakıya uçan AZAL və “Utair” reysləri də təxirə salınıb.
İran XİN sözçüsü İsmayıl Bəqai ABŞ-ın İrana qarşı yeni iqtisadi sanksiyalarını və üçüncü ölkələrə İranla iqtisadi əlaqələri dayandırmaq üçün təzyiq göstərilməsini beynəlxalq hüquqa zidd adlandırıb.
Ukrayna Müdafiə Qüvvələrinin Rusiyanın Samara vilayətindəki “Ozon” logistik mərkəzinə PUA hücumundan sonra anbarda genişmiqyaslı yanğın baş verib. Şirkətin məlumatına görə, 500-dən çox işçi təxliyə edilib və xəsarət alanlar var.
Avqustun 21-də Azərbaycanın Rusiya, Gürcüstan və İranla sərhəddə yerləşən gömrük-keçid məntəqələrində yük nəqliyyat vasitələrinin növbə sayı açıqlanıb. Ən çox növbə “Qırmızı Körpü” gömrük postunda qeydə alınıb - 700 yük maşını.
İstanbulun Arnavutköy rayonu sahillərində pilotsuz uçuş aparatı (PUA) aşkarlanıb. İlkin məlumatlara görə, PUA-nın sursatla təchiz olunduğu bildirilir.
Donald Tramp İran rəhbərliyindəki itkilərin Vaşinqtonla Tehran arasında razılaşmanın əldə olunmasını çətinləşdirdiyini bildirib.
Rusiyadan Ermənistana Azərbaycan ərazisi ilə tranzit keçməklə 560 ton buğda daşıyan 8 vaqonluq yük qatarı göndərilib. İndiyədək müxtəlif ərzaq və sənaye məhsulları ilə yanaşı, yanacaq da Azərbaycandan Ermənistana daşınıb.
İsrail ordusunun Livanın cənubuna endirdiyi bildirilən zərbələr nəticəsində 6 nəfərin öldüyü açıqlanıb. Hücumların “Hizbullah” infrastrukturuna qarşı həyata keçirildiyi bildirilir.
Ukrayna Dövlət Sərhəd Xidməti Belarusun Ukrayna sərhədi yaxınlığında hərbi imkanlarını artırdığını bildirib. Andrey Demçenko vəziyyətin nəzarətdə saxlanıldığını və hazırda birbaşa hücum təhlükəsinin olmadığını qeyd edib.
Gürcüstan Erməni İctimai Platformasının sədri Giorgi Tumasyan Azərbaycan və Ermənistan arasında enerji əməkdaşlığının qarşılıqlı etimadı və iqtisadi əlaqələri gücləndirə biləcəyini bildirib. Onun fikrincə, bu əməkdaşlıq TRIPP layihəsi çərçivəsində tranzit imkanlarının inkişafına da təsir göstərə bilər.
Britaniyada tələbə vizalarına müraciətlərin 11 faiz azalması universitetlərin maliyyə vəziyyəti ilə bağlı narahatlıq yaradıb. Bəzi ekspertlər xarici tələbələrin sayının 30 faizə qədər azalacağını proqnozlaşdırırlar.
Rusiya Müdafiə Nazirliyi Donetsk vilayətində yerləşən Novonikolayevka yaşayış məntəqəsinin Rusiya Silahlı Qüvvələrinin nəzarətinə keçdiyini açıqlayıb.