Ukrayna: Belarus sərhədə yeni hərbi qüvvələr yerləşdirir
Belarusun Ukrayna ilə sərhədə yaxın ərazilərdə hərbi qüvvələrinin sayını artırdığı bildirilir.
Xeberhub.com xəbər verir ki, bu barədə Ukrayna Dövlət Sərhəd Xidmətinin sözçüsü Andrey Demçenko məlumat verib.
Demçenkonun sözlərinə görə, Belarus ərazisində, Ukrayna sərhədi istiqamətində yeni hərbi birliklərin formalaşdırılması müşahidə olunur. O bildirib ki, Ukrayna tərəfi bölgədəki vəziyyəti daim nəzarətdə saxlayır.
Bununla yanaşı, sözçü hazırkı mərhələdə Belarus ərazisində yerləşdirilən qüvvələrin Ukrayna üçün birbaşa hücum təhlükəsi yaratmadığını vurğulayıb. Son məlumatlarda da Ukrayna sərhədçilərinin Belarus ərazisində zərbə qruplaşmasının formalaşdırıldığını qeydə almadığı bildirilib.
