Ukraynaya məxsus MiQ-29 qırıcısı Odessa vilayətində qəzaya uğrayıb
Ukrayna Hərbi Hava Qüvvələrinə məxsus MiQ-29 tipli döyüş təyyarəsi Odessa vilayətində qəzaya uğrayıb.
Xeberhub.com xəbər verir ki, Axar.az-ın məlumatına görə, bu barədə Ukrayna Hərbi Hava Qüvvələri məlumat yayıb.
Bildirilib ki, hadisə axşam saatlarında təyyarənin döyüş tapşırığını yerinə yetirdiyi vaxt baş verib. MiQ-29 qırıcısı həmin vaxt Odessa bölgəsində düşmən hava hədəflərinin məhv edilməsi üzrə tapşırıq icra edib.
Məlumata görə, uçuş zamanı təyyarə radarlardan itib.
Ukrayna Hərbi Hava Qüvvələri pilotun katapult etməyə nail olduğunu açıqlayıb.
Hadisənin digər təfərrüatları barədə əlavə məlumat verilməyib.
