Abdullah Zubir “Qarabağ”dan ayrılıb
“Qarabağ”ın fransalı yarımmüdafiəçisi Abdullah Zubir komandadan ayrılaraq karyerasını Qətərdə davam etdirəcək.
Xeberhub.com xəbər verir ki, Zubir ötən gün Ağdam təmsilçisinin düşərgəsini tərk edərək Qətərə yollanıb.
Məlumata görə, 33 yaşlı futbolçu “Əl-Şahaniya” klubu ilə müqavilə imzalayacaq. Zubir artıq tibbi müayinədən keçməlidir. Yoxlanışın nəticələri müsbət olacağı təqdirdə transferin rəsmi şəkildə açıqlanacağı bildirilir.
Qeyd edək ki, Abdullah Zubir 2018-ci ildən “Qarabağ”ın formasını geyinirdi.
