Avstraliyalı boksçu Tim Tszyu Sidneydə keçirilən peşəkar boks gecəsində ABŞ təmsilçisi, üç versiya üzrə keçmiş dünya çempionu Errol Spensi məğlub edib.
XeberHub.com xəbər verir ki, TASS agentliyinin yaydığı məlumata görə, 72,5 kiloqrama qədər aralıq çəki dərəcəsində baş tutan 12 raundluq qarşılaşma hakimlərin yekdil qərarı ilə Tim Tszyunun qələbəsi ilə yekunlaşıb.
Hakimlər döyüşün nəticəsini 118:110, 117:111 və 117:111 hesabı ilə avstraliyalı boksçunun xeyrinə qiymətləndiriblər.
Bu qələbə ilə 31 yaşlı Tim Tszyu peşəkar karyerasında 28-ci qələbəsini qazanıb. Onun aktivində 18 nokaut, həmçinin üç məğlubiyyət var. Boksçu son yeddi görüşündə dördüncü dəfə qalib gəlib.
Tim Tszyu valideynlərinin 1992-ci ildə Avstraliyaya köçməsindən iki il sonra bu ölkədə anadan olub. O, peşəkar rinqdə ilk döyüşünü 17 dekabr 2016-cı ildə keçirib.
Karyerası ərzində Tszyu IBF, WBC və WBO versiyaları üzrə müxtəlif regional çempionluqlar, WBA Okeaniya üzrə müvəqqəti çempionluq, Birlik ölkələrinin çempionu titulu, eləcə də WBO-nun qlobal və qitələrarası kəmərlərinin sahibi olub.
