ABŞ: Azərbaycan və Ermənistanın sülhə doğru addımları dünya üçün nümunədir
Azərbaycan və Ermənistanın davamlı sülh istiqamətində atdığı addımlar beynəlxalq səviyyədə müsbət nümunə kimi qiymətləndirilib.
Xeberhub.com xəbər verir ki, Axar.az-ın məlumatına görə, bu barədə ABŞ, Azərbaycan və Ermənistanın Ağ Evdə keçirilmiş Sülh Sammitinin birinci ildönümü ilə bağlı yaydığı Birgə Bəyanatda bildirilib.
Bəyanatda qeyd olunub ki, davamlı sülhün əldə olunması bir gündə mümkün deyil. Bununla belə, tərəflərin verdikləri vədləri yerinə yetirməsi prosesin irəliləməsi baxımından mühüm amil kimi qiymətləndirilib.
Sənəddə ABŞ Prezidenti Donald Trampın fikirlərinə istinad edilərək Azərbaycan və Ermənistanın davamlı sülhə doğru atdığı addımların dünya üçün nümunə təşkil etdiyi vurğulanıb.
Bəyanatda həmçinin regionun gələcəyinə dair nikbin mövqe ifadə olunub və Cənubi Qafqazın daha parlaq və firavan gələcəyinin səbirsizliklə gözlənildiyi bildirilib.
