Cəbrayılda iki kəndin ərazisində baş verən yanğın söndürüldü
Cəbrayıl rayonunda iki kəndin ərazisində açıq sahədə baş verən yanğın operativ müdaxilə nəticəsində söndürülüb.
Xeberhub.com xəbər verir ki, Oxu.Az-ın yaydığı məlumata görə, hadisə rayonun Horovlu və Quycaq kəndlərinin təpəlik və açıq ərazilərində qeydə alınıb.
Məlumata əsasən, yanğının söndürülməsi üçün hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin texnikası və şəxsi heyəti cəlb olunub.
Yanğınsöndürənlərin çevik müdaxiləsi nəticəsində alov qısa müddətdə lokallaşdırılaraq tam söndürülüb.
Hadisə zamanı yanğının ətraf ərazilərə yayılmasının qarşısı alınıb. Yanğının başvermə səbəbi ilə bağlı araşdırma aparılır.
