Xeberhub.com xəbər verir ki, Oxu.Az-ın yaydığı məlumata görə, Sakit okeanda, Petropavlovsk-Kamçatsk şəhərindən təxminən 130 kilometr aralıda 5,7 maqnitudalı zəlzələ baş verib.
Rusiya Elmlər Akademiyasının Vahid Geofizika Xidmətinin Kamçatka filialının mətbuat xidməti bildirib ki, yeraltı təkanlar Bakı vaxtı ilə saat 01:53-də qeydə alınıb.
Məlumata əsasən, zəlzələnin ocağı 18,5 kilometr dərinlikdə yerləşib. İlkin qiymətləndirməyə görə, Petropavlovsk-Kamçatsk şəhərində təkanların intensivliyi 4 bal səviyyəsində hiss olunub.
Hadisə nəticəsində dağıntılar və ya xəsarət alanlarla bağlı rəsmi məlumat açıqlanmayıb. Həmçinin bölgədə sunami təhlükəsinin elan edilmədiyi bildirilib.
