Rusiya-Ukrayna müharibəsində hava hücumları intensivləşib
Xeberhub.com xəbər verir ki, Rusiya-Ukrayna müharibəsində cəbhə xəttində ciddi dəyişiklik müşahidə olunmasa da, tərəflərin bir-birinə qarşı hava hücumlarının intensivliyi artıb.
Axar.az CNN-ə istinadən bildirir ki, Rusiya və Ukrayna uzaqmənzilli raketlərdən və pilotsuz uçuş aparatlarından istifadə etməklə zərbələri gücləndirib. Ekspertlər hesab edirlər ki, hücum vasitələrinin hava hücumundan müdafiə sistemlərinin imkanlarını üstələməsi nəticəsində daha çox zərbənin hədəfə çatması mümkün olur.
Məlumata görə, Ukrayna son dövrdə Rusiyanın neft emalı zavodlarını, enerji infrastrukturu obyektlərini, anbarlarını və hərbi logistika mərkəzlərini əsas hədəflər sırasına daxil edib.
Rusiya isə Ukrayna ərazisinə qarşı genişmiqyaslı raket və PUA hücumlarını davam etdirir.
BMT-nin məlumatına əsasən, 2026-cı ilin ilk altı ayında Ukraynada azı 1 396 mülki şəxs həyatını itirib, 7 978 nəfər isə yaralanıb. Bu göstərici ötən ilin müvafiq dövrü ilə müqayisədə 37 faiz çoxdur.
CNN-in qiymətləndirməsinə görə, hava hücumlarının daha da genişlənməsi Ukraynada mülki əhali və kritik infrastruktur üçün təhlükənin artmasına səbəb olur.
