Rusiya Dövlət Dumasının sədri Vyaçeslav Volodin ölkədə yaşayan xarici vətəndaşlarla bağlı yeni açıqlamalar verib.
XeberHub.com xəbər verir ki, Rusiya Dövlət Dumasının rəsmi saytının yaydığı məlumata görə, Volodin bildirib ki, Rusiyada yaşayan əcnəbilərin ölkədə qalması iqtisadi baxımdan əsaslandırılmalı və onlar cəmiyyətə real töhfə verməlidirlər.
Onun sözlərinə görə, xarici vətəndaşlar yalnız özlərini deyil, ailə üzvlərini də təmin etmək imkanına malik olmalı, ölkə qanunlarına riayət etməli, rus dilini bilməli, həmçinin Rusiyanın tarixinə, mədəniyyətinə və ənənələrinə hörmətlə yanaşmalıdırlar.
Vyaçeslav Volodin qeyd edib ki, bu tələblərə cavab verən şəxslər yaşamaq üçün seçdikləri ölkənin inkişafına da töhfə verməlidirlər.
Dövlət Dumasının sədri əlavə edib ki, miqrantlar üçün dövlət rüsumlarının artırılması federal büdcəyə hər il 15 milyard rubldan çox əlavə gəlir gətirəcək.
