Xarkovda yaşayış binasına PUA zərbəsi: 2 ölü, 27 yaralı
Rusiya tərəfindən Ukraynanın Xarkov şəhərinə PUA hücumu həyata keçirilib. Zərbə nəticəsində 10 mərtəbəli yaşayış binasının bir hissəsi dağılıb.
Xeberhub.com xəbər verir ki, Axar.az-ın yaydığı məlumata görə, hücum zamanı binanın 7-ci mərtəbəsindən 10-cu mərtəbəsinədək olan hissəsi dağılıb.
Hadisə nəticəsində ilkin məlumata əsasən, 2 nəfər həyatını itirib, 27 nəfər isə yaralanıb. Dağıntılar altında insanların qala biləcəyi bildirilir.
Hazırda hadisə yerində axtarış-xilasetmə əməliyyatı davam etdirilir. Fövqəladə hallar xidmətlərinin əməkdaşları dağıntılar altında qalan şəxslərin olub-olmadığını müəyyənləşdirməyə çalışırlar.
Məlumatın yenilənəcəyi gözlənilir.
