BDYPİ sentyabrın 15-də yeni tədris ilinin başlaması ilə əlaqədar yollarda və təhsil müəssisələrinin ətrafında sıxlığın arta biləcəyi barədə xəbərdarlıq edib. Sürücülərdən və valideynlərdən yol hərəkəti qaydalarına daha ciddi əməl etmələri tələb olunub.
Milli Məclisin komitə sədri Hicran Hüseynova bəzi müəllimlərin şagirdlərə düzgün təsir göstərmədiyini deyib. O, müəllimlərin uşaqların dünyagörüşünə və gələcək seçimlərinə təsirinin də qiymətləndirilməsinin vacibliyini vurğulayıb.
Milli Məclisin Elm və təhsil komitəsinin sədri Anar İskəndərov dərsliklərdə problemlərin olduğunu bildirib. O, parlamentin payız sessiyasında bu mövzu ilə bağlı dinləmənin keçiriləcəyini açıqlayıb.
Azərbaycanda elektron diplom və attestatların tətbiqi genişləndirilir. Sənədlər ölkə daxilində hüquqi qüvvəyə malik olsa da, onların xaricdə tanınması və apostillə təsdiqlənməsi zamanı müəyyən çətinliklər yaranır. Ekspertlər keçid dövründə fiziki sənəd və elektron apostil mexanizmlərinin paralel tətbiqini təklif edirlər.
Bakı Qızlar Universitetinin tələbələri digər ali məktəblərə köçürülsə də, müəllim və texniki heyətin gələcək taleyi hələ də bəlli deyil. Əməkdaşlar işsiz qalmaq təhlükəsi ilə bağlı narahatlıqlarını ifadə ediblər.
DİM magistratura üzrə qəbul nəticələrinin bu gün və ya sabah açıqlanacağını bildirib. Nəticələrdən sonra qəbul olunanların qeydiyyatı və boş yerlər üzrə əlavə ixtisas seçimi keçiriləcək.
Ali məktəblərə ixtisas seçiminin avqustun 10-dan sonra başlanması planlaşdırılır. DİM bildirib ki, seçimdən əvvəl abituriyentlər üçün bal bölgüsü və müsabiqə vəziyyəti ilə bağlı məlumatlar açıqlanacaq.
DİM magistratura üzrə ixtisaslaşma seçiminin vaxtını bu gün saat 13:00-dək uzadıb. Hazırkı məlumata görə, 15 633 bakalavr elektron ərizəsini təsdiqləyib.