Abşeron çimərliklərində avqustun 10-da hava necə olacaq?
Xeberhub.com xəbər verir ki, Milli Hidrometeorologiya Xidmətinin məlumatına görə, avqustun 10-da Abşeron çimərliklərində mülayim şimal-qərb küləyi əsəcək və küləyin arabir güclənəcəyi gözlənilir.
Məlumata əsasən, dəniz suyunun temperaturu Abşeronun şimal çimərliklərində 26-27 dərəcə, cənub çimərliklərində isə 27-28 dərəcə təşkil edəcək.
Şimal çimərlikləri sırasına Sumqayıt, Novxanı, Pirşağı, Nardaran, Bilgəh və Zaqulba, cənub çimərlikləri sırasına isə Türkan, Hövsan, Sahil və Şıx daxildir.
