Milli Hidrometeorologiya Xidməti ölkə üzrə iyulun 30-u saat 15:00-a olan faktiki hava şəraiti ilə bağlı məlumat yayıb.
Xeberhub.com xəbər verir ki, Milli Hidrometeorologiya Xidmətinin yaydığı məlumata görə, hazırda Azərbaycanın bəzi bölgələrində küləkli hava şəraiti müşahidə edilir.
Məlumata əsasən, Bakı və Abşeron yarımadasında şimal-qərb küləyinin maksimal sürəti saniyədə 17 metr təşkil edib. Goranboy rayonunda cənub-qərb küləyi maksimum 19 m/s, Naftalan şəhərində isə 18 m/s sürətlə qeydə alınıb.
Qurum mövcud hava şəraitinin müşahidələrinin davam etdirildiyini bildirib.
