Rusiya Müdafiə Nazirliyi Ukraynanın müxtəlif bölgələrində daha dörd yaşayış məntəqəsinə nəzarətin ələ keçirildiyini açıqlayıb.
Xeberhub.com xəbər verir ki, Rusiya Müdafiə Nazirliyinin yaydığı məlumata görə, Rusiya Silahlı Qüvvələri Ukraynanın bir neçə istiqamətində irəliləyərək yeni yaşayış məntəqələrini nəzarətə götürüb.
Rəsmi açıqlamada bildirilib ki, Sumı vilayətində yerləşən Malaya Slobodka və Moqritsa, Donetsk vilayətindəki Krasnoyarskoye, eləcə də Xarkov vilayətinin Yurçenkovo kəndi Rusiya ordusunun nəzarətinə keçib.
Qeyd edək ki, bu məlumat yalnız Rusiya Müdafiə Nazirliyinin rəsmi bəyanatına əsaslanır. Bununla bağlı Ukrayna tərəfi və ya müstəqil mənbələrdən hələlik təsdiqləyici açıqlama verilməyib.
