Abşeron çimərliklərində sabahın hava proqnozu açıqlanıb.
XeberHub.com xəbər verir ki, Milli Hidrometeorologiya Xidmətinin yaydığı məlumata əsasən, iyulun 25-də Abşeron çimərliklərində hava şəraitinin əlverişli keçəcəyi gözlənilir.
Məlumata görə, gün ərzində şimal-şərq küləyi əsəcək, günün ikinci yarısında isə küləyin istiqaməti dəyişərək cənub-şərq küləyi ilə əvəz olunacaq.
Dəniz suyunun temperaturu şimal istiqamətində yerləşən çimərliklərdə — Sumqayıt, Novxanı, Pirşağı, Nardaran, Bilgəh və Zuğulbada 27–28 dərəcə isti təşkil edəcək.
Cənub çimərliklərində isə — Türkan, Hövsan, Sahil və Şıxda dəniz suyunun temperaturunun 28–29 dərəcə isti olacağı proqnozlaşdırılır.
