Ağdamda yanğın baş verib: Alov mina təhlükəsi olan əraziyə yayılıb
Ağdam rayonunda açıq ərazidə yanğın hadisəsi qeydə alınıb.
Xeberhub.com xəbər verir ki, bu barədə Oxu.Az məlumat yayıb.
Məlumata görə, yanğın rayonun Mərzili kəndi ərazisində başlayıb.
Hadisə ilə əlaqədar Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və xüsusi texnikaları əraziyə cəlb olunub.
Bildirilir ki, yanğın minalardan təmizlənməmiş əraziləri də əhatə edib. Hazırda yanğının söndürülməsi istiqamətində işlər aparılır.
