Xeberhub.com xəbər verir ki, Axar.az-ın yaydığı məlumata görə, Türkiyənin Antalya vilayətinin Alanya rayonunda baş verən meşə yanğını güclü külək səbəbindən nəzarət altına alına bilmir.
Məlumata əsasən, yanğın artıq 17 saatdır davam edir. Güclü külək alovun daha geniş ərazilərə yayılmasına səbəb olduğundan yanğınsöndürmə işləri çətinləşib.
Yanğının yaşayış məntəqələrinə yaxınlaşdığı ərazilərdə sakinlərə ehtiyat tədbiri olaraq evlərini tərk etmələri barədə xəbərdarlıq edilib.
Meteoroloqların proqnozuna görə, bölgədə küləyin sürəti bəzi ərazilərdə saatda 80 kilometrə qədər yüksələ bilər. Bu isə alovun yayılma riskini daha da artırır.
Yanğının söndürülməsi istiqamətində müvafiq qurumların fəaliyyəti davam etdirilir.
