Ərbil hava limanı yaxınlığında PUA hücumu: Hava hücumundan müdafiə sistemləri işə düşdü
XeberHub.com xəbər verir ki, yerli medianın yaydığı məlumata əsasən, İraq Kürdüstanının paytaxtı Ərbildə yerləşən beynəlxalq hava limanı ətrafında pilotsuz uçuş aparatlarının hücumu qeydə alınıb.
Məlumata görə, hadisə zamanı ərazidə yerləşən hava hücumundan müdafiə sistemləri aktivləşdirilib və bölgədə bir neçə partlayış səsi eşidilib.
Bildirilib ki, iyulun 24-ü səhər saatlarında beynəlxalq koalisiyanın hava hücumundan müdafiə qüvvələri Ərbil səmasında partlayıcı maddələrlə təchiz edilmiş altı pilotsuz uçuş aparatını hədəfə çatmamış aşkarlayaraq məhv edib. Hücumun qarşısının vaxtında alınması nəticəsində hər hansı dağıntı və ya zərər qeydə alınmayıb.
Hazırda dronların hansı qüvvə tərəfindən buraxıldığı və əsas hədəfin nə olduğu barədə rəsmi məlumat açıqlanmayıb.
İlkin məlumatlara əsasən, hadisə nəticəsində xəsarət alanların olduğu barədə də hər hansı məlumat verilməyib.
