Xeberhub.com xəbər verir ki, AZƏRTAC-ın yaydığı məlumata görə, Azərbaycan Prezidenti İlham Əliyev Qarabağın yenidən qurulmasına göstərilən dəstəyə görə Qırğızıstana təşəkkürünü ifadə edib.
Dövlət başçısı bu fikirləri Çolpon-Ata şəhərində keçirilən Azərbaycan və Qırğızıstan Dövlətlərarası Şurasının 3-cü iclasında çıxışı zamanı səsləndirib.
Prezident İlham Əliyev bildirib ki, Ağdam rayonunda Qırğızıstan Prezidenti Sadır Japarov ilə birlikdə açılışı həyata keçirilən və "Manas" adını daşıyan məktəbdə artıq şagirdlər təhsil alırlar.
Dövlət başçısının sözlərinə görə, həmin təhsil ocağı Azərbaycan ilə Qırğızıstan arasında qardaşlıq münasibətlərinin növbəti rəmzidir və gələcəkdə də iki xalqın həmrəyliyini əks etdirən mühüm abidə kimi qalacaq.
Prezident İlham Əliyev vurğulayıb ki, bu dəstək təkcə Qarabağ sakinləri deyil, bütün Azərbaycan ictimaiyyəti tərəfindən yüksək qiymətləndirilir.
