Xeberhub.com xəbər verir ki, AZƏRTAC-ın yaydığı məlumata görə, Prezident İlham Əliyev Azərbaycan ilə Qırğızıstan arasında humanitar sahədə əməkdaşlığın uğurla inkişaf etdiyini bildirib.
Dövlət başçısı bu barədə Çolpon-Ata şəhərində keçirilən Azərbaycan və Qırğızıstan Dövlətlərarası Şurasının 3-cü iclasında çıxışı zamanı danışıb.
Prezident İlham Əliyev qeyd edib ki, iki ölkə arasında humanitar əlaqələrin genişlənməsi sevindirici haldır. Onun sözlərinə görə, yaxın vaxtlarda Azərbaycanda təşkil olunan Qırğızıstan Mədəniyyəti Günləri, eləcə də Qırğızıstanda keçirilən Azərbaycan Günləri xalqların zəngin mədəni irsini və yaradıcılıq potensialını nümayiş etdirib.
Dövlət başçısı vurğulayıb ki, bu cür tədbirlər iki dost və qardaş xalq arasında münasibətlərin daha da möhkəmlənməsinə, qarşılıqlı anlaşmanın və mədəni əməkdaşlığın inkişafına mühüm töhfə verir.
