İsmayıllıda ağır qəza: Beş nəfər xəsarət aldı
İsmayıllı rayonunda baş verən ağır yol-nəqliyyat hadisəsi nəticəsində beş nəfər müxtəlif dərəcəli bədən xəsarətləri alıb.
Xeberhub.com xəbər verir ki, Oxu.Az-ın APA-ya istinadən yaydığı məlumata görə, qəza rayonun Talıstan altı adlanan ərazisində qeydə alınıb.
Məlumata əsasən, VAZ-2106 markalı avtomobillə KIA markalı minik avtomobili toqquşub.
Hadisə nəticəsində Bakı sakinləri – 1959-cu il təvəllüdlü Lətifət Məmmədova və 1996-cı il təvəllüdlü İbrahim Məmməli, eləcə də İsmayıllı rayon sakinləri – 1959-cu il təvəllüdlü Cavid Süleymanov, 2011-ci il təvəllüdlü Fatimə Zəhra Vahabzadə və 1984-cü il təvəllüdlü Sahil Məmmədov ağır bədən xəsarətləri alıblar.
Yaralılar təcili tibbi yardım vasitəsilə İsmayıllı Rayon Mərkəzi Xəstəxanasına çatdırılıblar.
Faktla bağlı hüquq-mühafizə orqanları tərəfindən araşdırma aparılır.
