Kiyevin mərkəzinə PUA hücumu başlayıb
Ukraynanın paytaxtı Kiyevin mərkəzi rayonlarına avqustun 12-də gündüz saatlarında pilotsuz uçuş aparatları ilə kütləvi hücum həyata keçirildiyi bildirilib.
Xeberhub.com xəbər verir ki, yerli vaxtla saat 13:30 radələrində başlayan hücum zamanı reaktiv dronlardan istifadə olunduğu qeyd edilib.
Məlumata görə, hücumlar Kiyevin mərkəzi rayonlarını hədəf alıb. Ukrayna Hava Hücumundan Müdafiə qüvvələri PUA-ların qarşısını almağa çalışır.
Dronların Belarus ərazisindən buraxıldığı da iddia olunur.
Qeyd edək ki, son günlər Ukraynaya qarşı Rusiya tərəfindən həyata keçirilən PUA və raket hücumlarının intensivliyi artıb. Beynəlxalq məlumatlara görə, Kiyev və digər Ukrayna şəhərləri son dövrdə çoxsaylı hava hücumlarının hədəfinə çevrilib.
