"Neftçi" UEFA Konfrans Liqasında səfərdə qalib gəlsə də, turnirlə erkən vidalaşıb.
Xeberhub.com xəbər verir ki, UEFA-nın rəsmi məlumatına görə, UEFA Konfrans Liqasının II təsnifat mərhələsinin cavab oyununda Azərbaycan təmsilçisi "Neftçi" Belarusun "Dinamo" (Minsk) komandası ilə qarşılaşıb.
Bolqarıstanın Beroe şəhər stadionunda keçirilən görüş "Neftçi"nin 1:0 hesablı qələbəsi ilə başa çatıb.
Matçın yeganə qolunu 13-cü dəqiqədə Breno Almeyda vuraraq Bakı klubuna qələbə qazandırıb.
Bununla belə, "Neftçi" ilk oyunda Bakıda rəqibinə 2:4 hesabı ilə məğlub olduğundan, iki qarşılaşmanın ümumi nəticəsinə əsasən 3:4 hesabı ilə UEFA Konfrans Liqasında mübarizəni dayandırıb.
