Xeberhub.com xəbər verir ki, "Report" informasiya agentliyinin yaydığı məlumata əsasən, Rusiyadan Ermənistana Azərbaycan ərazisindən tranzit keçməklə növbəti yük qatarı yola salınacaq.
Məlumata görə, qatarın tərkibində 8 vaqon buğda və 10 vaqon daş kömür Ermənistana göndəriləcək.
Bildirilib ki, yük qatarı sabah saat 11:00-da "Azərbaycan Dəmir Yolları" QSC-nin Biləcəri stansiyasından hərəkətə başlayacaq.
Yüklərin Azərbaycan ərazisindən tranzit qaydada daşınması mövcud beynəlxalq yükdaşımaları çərçivəsində həyata keçiriləcək.
