Tümendən Bakıya uçan təyyarə Ufaya məcburi eniş edib
Tümendən Bakıya uçuş həyata keçirən “UTair” aviaşirkətinə məxsus sərnişin təyyarəsi texniki səbəbdən Rusiyanın Ufa şəhərinə məcburi eniş edib.
Xeberhub.com xəbər verir ki, Ural Nəqliyyat Prokurorluğunun məlumatına görə, ekipaj uçuş zamanı texniki səbəblərlə əlaqədar marşrutdan kənara çıxaraq Ufa Beynəlxalq Hava Limanına enmək qərarına gəlib.
Təyyarə Bakı vaxtı ilə saat 20:15-də Ufa hava limanına təhlükəsiz şəkildə eniş edib. Hadisə zamanı hər hansı fövqəladə vəziyyətin baş vermədiyi bildirilib.
Qeyd edək ki, “UTair” Tümen-Bakı istiqamətində müntəzəm uçuşlar həyata keçirən aviaşirkətlərdən biridir.
