Çex Respublikasından uçan kiçik təyyarə Xorvatiyanın Zadar şəhəri yaxınlığında qəzaya uğrayıb, iki nəfər həlak olub.
Xeberhub.com xəbər verir ki, bu barədə Xorvatiya polisinin mətbuat xidməti məlumat yayıb.
“Radarlardan itən kiçik təyyarənin axtarışları saat 22:00 radələrində başa çatıb. Xorvatiya Dağ-Xilasetmə Xidmətinin əməkdaşları qəzaya uğramış təyyarəni və iki nəfərin meyitini tapıblar”, - deyə polisdən qeyd edilib.
Təyyarənin qalıqları Zadardan 60 kilometr aralıda, Paklenitsa Milli Parkının ərazisindəki dağlarda tapılıb.
Hadisə ilə bağlı araşdırma aparılır. Xorvatiya polisinin məlumatına görə, təyyarənin radarlardan siqnalı itdikdən sonra genişmiqyaslı axtarış-xilasetmə əməliyyatı keçirilib.
