Yaponiyada güclü yağışlar daşqına səbəb oldu: ölənlərin sayı 8-ə çatdı
Yaponiyanın paytaxtı Tokio yaxınlığında yerləşən Tiba prefekturasında güclü leysan yağışlarının səbəb olduğu daşqınlar nəticəsində ölənlərin sayı 8 nəfərə yüksəlib.
Xeberhub.com xəbər verir ki, ölənlərin əksəriyyəti su altında qalan avtomobillərdə boğularaq həyatını itirib.
Yaponiyanın Yanğından Mühafizə Xidmətinin məlumatına görə, Tiba şəhərinin mərkəzi küçələrində və ətraf avtomobil yollarında təxminən 1 000 nəqliyyat vasitəsi sürücüləri tərəfindən tərk edilib.
Avqustun 13-dən başlayan intensiv yağışlar bölgədə ciddi fəsadlara səbəb olub. Nəticədə 20 minə yaxın ev elektrik enerjisiz qalıb, 180-dən çox yaşayış binası isə tam və ya qismən su altında qalıb.
Təhlükəsizlik məqsədilə təxminən 7 400 sakin müvəqqəti sığınacaqlara təxliyə edilib.
