ABŞ hərbi komandanlığı hava hücumundan müdafiə sistemlərinin raket ehtiyatlarını qorumaq məqsədilə müdafiə strategiyasında müəyyən dəyişikliklər edib.
XeberHub.com xəbər verir ki, Axar.az-ın NBC-yə istinadən yaydığı məlumata görə, ABŞ komandanlığı İran tərəfindən buraxılan bəzi raket və pilotsuz uçuş aparatlarının (PUA) müdafiə xəttini keçməsinə nəzarətli şəkildə imkan verir.
Məlumata əsasən, münaqişənin başlanmasından bəri İran təxminən 9 min raket və PUA buraxıb. Bu səbəbdən ABŞ hərbi qüvvələri hazırda əsas diqqəti birbaşa amerikalı hərbçiləri hədəf alan təhlükələrin zərərsizləşdirilməsinə yönəldib.
Bildirilir ki, bu yanaşma çərçivəsində uçuş-enmə zolaqları, radar sistemləri və yanacaq anbarlarına yönələn bəzi hücumların qarşısı alınmır. Məqsəd "Patriot", THAAD və SM seriyalı hava hücumundan müdafiə raketlərinin ehtiyatını qorumaqdır.
NBC-nin məlumatında vurğulanır ki, bu tip raketlərin istehsalı və ehtiyatlarının bərpası uzun müddət tələb etdiyindən, ABŞ komandanlığı onların istifadəsinə daha ehtiyatla yanaşır.
