ABŞ Netanyahunun Qəzza ilə bağlı tələbləri yerinə yetirəcəyinə inanır
Xeberhub.com xəbər verir ki, Vaşinqton administrasiyası İsrailin Baş naziri Benyamin Netanyahunun son açıqlamalarına baxmayaraq, Qəzza zolağı ilə bağlı ABŞ tərəfindən irəli sürülən tələblərin İsrail tərəfindən yerinə yetiriləcəyini gözləyir.
Oxu.Az xəbər verir ki, bu barədə “Axios” portalının və İsrailin “Channel 12” telekanalının müxbiri Barak Ravid “X” sosial şəbəkəsində paylaşım edib.
ABŞ rəsmilərindən birinin sözlərinə görə, Ağ Ev Netanyahunun İsrailin Qəzza ilə bağlı 15 bəndlik Sülh Şurası planını qəbul etməməsi və HƏMAS tərk-silah edilənədək İsrail qoşunlarını anklavdan çıxarmayacağı barədə açıqlamalarından ciddi narahatlıq keçirmir.
Amerikalı məmur bildirib ki, Vaşinqton Netanyahunun bu mövqeyinin oktyabrın 27-də İsrail parlamentinə keçiriləcək seçkilərlə əlaqəli olduğunu düşünür.
Mənbə qeyd edib ki, ABŞ İsrail hökumətinin Qəzzada hərbi əməliyyatları məhdudlaşdırmaqla bağlı tələblərə əməl etməsini vacib hesab edir.
Məlumata görə, Netanyahu ötən həftə ABŞ Prezidenti Donald Tramp və onun kürəkəni Cared Kuşnerlə telefon danışığı aparıb. İsrailin baş naziri həmin söhbət zamanı ABŞ tərəfindən irəli sürülən plana imkan verəcəyini və demilitarizasiya prosesinin başlanması üçün Qəzzaya endirilən zərbələri məhdudlaşdıracağını vəd edib.
Nəşrin məlumatına əsasən, ABŞ tərəfi Netanyahunun hazırda verdiyi vədə əməl etdiyini düşünür.
