Xeberhub.com xəbər verir ki, Rusiya Müdafiə Nazirliyinin yaydığı məlumata əsasən, Qara dənizdə Ukrayna Silahlı Qüvvələri üçün yük daşıdığı iddia edilən üç yük gəmisinə zərbələr endirilib.
Bildirilib ki, hücumlar avqustun 6-sı axşam saatlarından avqustun 7-si səhərədək pilotsuz uçuş aparatları vasitəsilə həyata keçirilib.
Rusiya tərəfi əməliyyat nəticəsində üç yük gəmisinin vurulduğunu açıqlayıb. Məlumatda hadisə ilə bağlı əlavə təfərrüatlar və ya mümkün itkilər barədə məlumat verilməyib.
Qeyd edək ki, bu məlumat yalnız Rusiya Müdafiə Nazirliyinin açıqlamasına əsaslanır və müstəqil mənbələr tərəfindən təsdiqlənməyib.
