Milli Hidrometeorologiya Xidməti iyulun 14-dən həftənin sonunadək gözlənilən hava şəraiti ilə bağlı xəbərdarlıq yayıb.
Məlumata görə, bu müddətdə Azərbaycanın bəzi dağlıq və dağətəyi rayonlarında hava qeyri-sabit keçəcək, fasilələrlə yağıntı müşahidə olunacaq.
Sinoptiklərin proqnozuna əsasən, ayrı-ayrı ərazilərdə yağıntılar lokal leysan xarakteri daşıyacaq, şimşək çaxacağı və dolu düşəcəyi ehtimal edilir.
Həmçinin yağıntılar səbəbindən bəzi dağ çaylarında sululuğun artacağı gözlənilir.
