Bakıda avtobus yanıb
Bakının Nəsimi rayonunda avtobusda yanğın baş verib.
Xeberhub.com xəbər verir ki, hadisə Şəmsi Bədəlbəyli küçəsində qeydə alınıb.
Hadisə barədə məlumat daxil olduqdan dərhal sonra Fövqəladə Hallar Nazirliyinin Dövlət Yanğından Mühafizə Xidmətinin əməkdaşları əraziyə cəlb olunublar.
Yanğınsöndürənlərin operativ müdaxiləsi nəticəsində alovun ətrafa yayılmasına imkan verilmədən yanğın qısa müddətdə söndürülüb.
Yanğın nəticəsində avtobusun yanar konstruksiyaları sıradan çıxıb. Hadisə zamanı xəsarət alan olmayıb.
Yaxınlıqda yerləşən avtomobillər də yanğından mühafizə olunub.
