Tramp: İranda inflyasiya 300 faizə çatıb
ABŞ Prezidenti Donald Tramp İranın iqtisadi vəziyyətinin pisləşdiyini və ölkədə inflyasiyanın 300 faizə çatdığını iddia edib.
Xeberhub.com xəbər verir ki, Tramp bu barədə “Truth Social” platformasındakı paylaşımında yazıb.
ABŞ Prezidenti İranın hərbi imkanlarının zəiflədiyini, ölkənin maliyyə çətinlikləri ilə üzləşdiyini və hökumətin vəziyyətə nəzarət etməkdə çətinlik çəkdiyini bildirib.
Trampın sözlərinə görə, İranın əlində “yalan xəbərlər və 300 faizlik inflyasiya”dan başqa ciddi resurs qalmayıb və ölkədə vəziyyət getdikcə pisləşir.
ABŞ Prezidenti həmçinin İranın artıq Yaxın Şərqdə əvvəlki təsir gücünə malik olmadığını iddia edib.
Bununla yanaşı, Trampın səsləndirdiyi 300 faizlik inflyasiya göstəricisi beynəlxalq maliyyə qurumlarının proqnozlarından xeyli yüksəkdir. Beynəlxalq Valyuta Fondunun 2026-cı il üzrə məlumat bazasında İranla bağlı inflyasiya göstəriciləri ayrıca təqdim olunur.
