Xəbər
Bakıda avtomobil və bilet satışı adı ilə dələduzluq edən şəxs saxlanılıbXeberhub.com xəbər verir ki, Oxu.Az-ın məlumatına görə, Bakıda vətəndaşlara qarşı dələduzluq etməkdə şübhəli bilinən şəxs polis əməkdaşları tərəfindən saxlanılıb.
Bildirilib ki, saxlanılan 35 yaşlı Elvin Məhərrəmov daha əvvəl dəfələrlə məhkum olunub.
Araşdırma zamanı müəyyən edilib ki, E.Məhərrəmov insanlara bazar qiymətindən daha ucuz avtomobil və ehtiyat hissələri satacağını, eləcə də müxtəlif istirahət məkanlarına biletlər təqdim edəcəyini vəd edib.
İddialara görə, o, bu vədlərlə vətəndaşların etibarını qazanaraq onlardan pul alıb. Nəticədə 18 şəxsin dələduzluq yolu ilə aldadıldığı və onlara müxtəlif məbləğlərdə maddi zərər vurulduğu müəyyən edilib.
Hazırda faktla bağlı araşdırmalar davam etdirilir.
