Xeberhub.com xəbər verir ki, Qarabağ kanalının Bərdə rayonundan keçən hissəsində 59 yaşlı kişi batıb.
Fövqəladə Hallar Nazirliyinin (FHN) məlumatına görə, iyulun 17-də 112 qaynar telefon xəttinə Bərdə rayonunun Mirzalıbəyli kəndi ərazisindən keçən Qarabağ kanalında bir nəfərin batması barədə məlumat daxil olub.
Hadisə ilə əlaqədar FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri əraziyə cəlb edilərək axtarışlara başlayıblar.
Hazırda 1967-ci il təvəllüdlü Rəsul İbiş oğlu Bünnətovun batdığı ehtimal edilən ərazilərdə axtarış-xilasetmə tədbirləri davam etdirilir.
Hadisə ilə bağlı əlavə məlumat veriləcəyi bildirilib.
