Ermənistan: TRİPP-də başqa dövlətlərin təhlükəsizlik qüvvələri olmayacaq
TRİPP layihəsinin həyata keçirildiyi ərazidə başqa dövlətlərə məxsus təhlükəsizlik qüvvələrinin yerləşdirilməsi nəzərdə tutulmur.
Xeberhub.com xəbər verir ki, Ermənistan parlamentinin Xarici Əlaqələr Komitəsinin sədri Sərkis Xandanyan bildirib ki, TRİPP ilk növbədə infrastruktur layihəsidir və ayrıca ərazi və ya hərbi baza statusu daşımır. Bu mövqe layihə üzrə mövcud çərçivə sazişində Ermənistanın suverenliyi və yurisdiksiyasının qorunması prinsipi ilə də uyğun gəlir.
Xandanyanın sözlərinə görə, layihə çərçivəsində hər hansı başqa dövlətin təhlükəsizlik qüvvələrinin iştirakı olmayacaq.
O qeyd edib ki, TRİPP-in təhlükəsizliyinin təmin edilməsinə görə məsuliyyət Ermənistanın və bununla bağlı səlahiyyətli dövlət qurumlarının üzərinə düşür.
Ermənistan rəsmisinin sözlərinə görə, layihə ölkənin suveren ərazisində həyata keçirilən infrastruktur təşəbbüsüdür və hər hansı xarici dövlətin hərbi bazasının yaradılmasını nəzərdə tutmur.
