Xəzər dənizində İran ticarət gəmisinə hücum edildiyi və nəticədə heyət üzvləri arasında ölən və yaralananların olduğu bildirilir.
XeberHub.com xəbər verir ki, newskiev.ru-nun yaydığı məlumata görə, Ukraynanın Xəzər dənizində İran bayrağı altında üzən ticarət gəmisinə hücum etdiyi iddia olunur.
Məlumata əsasən, insident nəticəsində gəmi heyətinin bir üzvü həlak olub, daha iki nəfər müxtəlif dərəcəli xəsarətlər alıb.
Bildirilir ki, rəsmi Tehran hadisəni kəskin şəkildə pisləyərək mülki gəmiyə zərbə endirildiyini bəyan edib. İran Xarici İşlər Nazirliyi baş verən insidentə cavab tədbirlərinin gündəmdə olduğunu açıqlayıb.
Hadisədən sonra Ukraynanın Tehrandakı müvəqqəti işlər vəkili İran Xarici İşlər Nazirliyinə çağırılıb.
Qeyd edək ki, xəbərdə yer alan məlumatlar newskiev.ru tərəfindən yayımlanıb. Ukrayna tərəfinin hadisə ilə bağlı mövqeyi və ya rəsmi təsdiqi barədə məlumat verilməyib.
