Xeberhub.com xəbər verir ki, Oxu.az-ın yaydığı məlumata görə, İran Silahlı Qüvvələrinin nümayəndəsi Əbülfəzl Şekarçi ölkənin raket istehsalı ilə bağlı bəzi mühüm obyektlərin yerinin xarici kəşfiyyat orqanlarına məlum olmadığını açıqlayıb.
O, IRNA agentliyinə verdiyi müsahibədə bildirib ki, ABŞ ən müasir kəşfiyyat texnologiyalarından və imkanlarından istifadə etsə də, İranın raket istehsalı həyata keçirilən bəzi müəssisələrinin yerləşdiyi əraziləri müəyyən edə bilmir.
Əbülfəzl Şekarçinin sözlərinə görə, həmin istehsal obyektlərinin mövqeyi hələ də gizli saxlanılır və mövcud texniki imkanlara baxmayaraq, onların aşkarlanması mümkün olmayıb. O qeyd edib ki, bu vəziyyət qarşı tərəfin qeyri-müəyyənliklə üzləşməsinə səbəb olur.
İran rəsmisi əlavə edib ki, ölkədə pilotsuz uçuş aparatları (PUA) və raket istehsalı nə hərbi əməliyyatlar dövründə, nə də atəşkəs müddətində dayandırılıb və bu sahədə fəaliyyət fasiləsiz davam etdirilir.
