“Qalatasaray” iki ulduz futbolçunun transferinə çalışır
Xeberhub.com xəbər verir ki, Türkiyənin “Qalatasaray” klubu hücum xəttini iki tanınmış futbolçu ilə gücləndirmək niyyətindədir.
Oxu.Az-ın Türkiyə mətbuatına istinadən yaydığı məlumata görə, İstanbul təmsilçisi İngiltərənin “Arsenal” klubunda çıxış edən braziliyalı vinger Qabriel Martinellinin transferi üçün danışıqlara başlayıb.
Məlumata əsasən, “Qalatasaray” 25 yaşlı futbolçunu heyətinə qatmaq məqsədilə London klubuna 40 milyon avro məbləğində rəsmi təklif göndərib.
İstanbul təmsilçisinin transfer planları bununla məhdudlaşmır. “Qalatasaray” İtaliyanın “Milan” klubunun hücumçusu Rafael Leao ilə də maraqlanır. Türkiyə klubu hər iki futbolçunu transfer etməklə hücum xəttini daha da gücləndirməyi planlaşdırır.
“Arsenal” rəhbərliyinin Martinelli üçün edilən 40 milyon avroluq təklifə necə cavab verəcəyi isə hələlik məlum deyil.
