Şüvəlanda çimərlik ərazisində kişi meyiti aşkarlanıb
Xeberhub.com xəbər verir ki, Oxu.Az-ın məlumatına görə, Bakı şəhərinin Xəzər rayonunda naməlum kişi meyiti tapılıb.
Hadisə Şüvəlan qəsəbəsi ərazisində yerləşən çimərlikdə qeydə alınıb. İlkin məlumata əsasən, 35-45 yaşlarında olan kişinin meyiti aşkar edilib.
Bildirilib ki, meyitin üzərində hər hansı zorakılıq əlaməti müşahidə olunmayıb.
Faktla bağlı Xəzər Rayon Prokurorluğu tərəfindən araşdırma aparılır. Hadisənin səbəblərinin müəyyənləşdirilməsi istiqamətində müvafiq tədbirlər görülür.
