ABŞ Prezidenti Donald Tramp İrana qarşı hərbi əməliyyatların məhdudlaşdırılmasının sursat çatışmazlığı ilə bağlı olduğu barədə yayılan iddiaları təkzib edib.
XeberHub.com xəbər verir ki, "The Wall Street Journal"ın yaydığı məlumata görə, Tramp ABŞ ordusunun hərbi sursat ehtiyatlarının kifayət qədər olduğunu bildirib.
ABŞ lideri qeyd edib ki, Birləşmiş Ştatlar dünyada ən böyük hərbi arsenal sahiblərindən biridir və ölkənin ehtiyacından dəfələrlə artıq sursat ehtiyatı mövcuddur. Onun sözlərinə görə, hərbi əməliyyatlarla bağlı qərarlar sursat qıtlığı ilə əlaqəli deyil.
Bundan əvvəl "The New York Times" öz mənbələrinə istinadən yazmışdı ki, Donald Tramp Yaxın Şərqdə yerləşdirilən "Patriot" və digər hava hücumundan müdafiə sistemləri üçün nəzərdə tutulan tutucu raketlərin ehtiyatını qorumaq məqsədilə İrana qarşı hərbi əməliyyatların genişləndirilməsini təxirə salıb.
Nəşrin iddiasına əsasən, iyulun 24-də keçirilən müşavirədə ABŞ Silahlı Qüvvələrinin Qərargah Rəisləri Komitəsinin sədri Den Keyn bildirib ki, İrana qarşı genişmiqyaslı əməliyyatların bərpası mümkün olsa da, bu addım HHM raket ehtiyatlarının kritik həddə enməsi riskini yarada bilər.
