Tramp: "Mən siyasətdən getsəm, ABŞ mediasının çoxu iflas edəcək"
Xeberhub.com xəbər verir ki, Oxu.Az-ın yaydığı məlumata görə, ABŞ Prezidenti Donald Tramp Ağ Evdə keçirilən qəbul zamanı media nümayəndələri ilə bağlı diqqətçəkən açıqlamalar verib.
Ağ Evdə akkreditə olunmuş Müxbirlər Assosiasiyasının təşkil etdiyi tədbirdə çıxış edən Tramp bildirib ki, siyasi fəaliyyətini başa vurduqdan sonra ABŞ mediasının böyük hissəsinin ciddi çətinliklərlə üzləşəcəyini düşünür.
Onun sözlərinə görə, media qurumları hazırda fəaliyyətlərini əsasən onun ətrafında formalaşdırır və gündəmdən çəkildiyi halda maraq doğuracaq mövzu tapmaqda çətinlik yaşayacaqlar.
ABŞ lideri çıxışında həmçinin bildirib ki, ölkə mediası onun fəaliyyəti barədə daha çox tənqidi və mənfi məzmunlu materiallar dərc edir.
Donald Tramp şəxsi telefon nömrəsini vaxtilə jurnalistlərlə paylaşmasının isə ən uğursuz qərarlarından biri olduğunu deyib. Prezident qeyd edib ki, bu addımdan sonra media nümayəndələri ona demək olar ki, fasiləsiz zəng etməyə başlayıblar.
Tramp bildirib ki, daşınmaz əmlak sektorunda çalışdığı dövrdə jurnalistlərin tez-tez müraciət etməsinə öyrəşmişdi. Lakin prezident seçildikdən sonra uzun müddət telefon zənglərinin azalması onun üçün gözlənilməz olub.
