Xırdalan və Abşeronun bir sıra yaşayış məntəqələrində qazın verilişi dayandırılacaq
Sabah təmir işləri ilə əlaqədar Xırdalan şəhərinin bir hissəsində və Abşeron rayonunun bəzi qəsəbə və kəndlərində qaz təchizatında müvəqqəti fasilə yaranacaq.
Xeberhub.com xəbər verir ki, bu barədə “Azəriqaz” İstehsalat Birliyi məlumat yayıb. Xəbərin ilkin mənbəyi Axar.azdır.
Bildirilib ki, qaz xətlərində aparılacaq təmir-quraşdırma işləri səbəbindən sabah saat 08:00-dan etibarən işlər başa çatanadək müəyyən ərazilərə təbii qazın verilişi məhdudlaşdırılacaq.
Fasilənin Xırdalan şəhərinin bir hissəsi ilə yanaşı, Atyalı, Qobu, Hökməli, Pirəküşkül, Müşfiqabad, 28 May, Saray və Ceyranbatan qəsəbələrini əhatə edəcəyi bildirilib.
Həmçinin Daş Güzdək, Aşağı Güzdək, Çaylı və Qobustan kəndlərində də qaz təminatında müvəqqəti fasilə olacaq.
