Xeberhub.com xəbər verir ki, Oxu.Az-ın yaydığı məlumata əsasən, UEFA Konfrans Liqasının II təsnifat mərhələsinin ilk oyununda Azərbaycanın təmsilçisi "Zirə" Estoniyada "Payde" klubunun qonağı olub.
Qarşılaşma meydan sahiblərinin minimal hesablı qələbəsi ilə başa çatıb. Oyunun taleyini həll edən yeganə qolu 87-ci dəqiqədə Çam vurub və bununla da Estoniya təmsilçisi ilk görüşdə 1:0 hesablı üstünlük qazanıb.
Komandalar arasında cavab qarşılaşması iyulun 30-da Bakıda keçiriləcək. "Zirə" növbəti mərhələyə yüksəlmək üçün doğma meydanda rəqib üzərində üstün nəticə əldə etməyə çalışacaq.
