Ukrayna Prezidenti Vladimir Zelenski Donbasdan geri çəkilməyəcəklərini açıqlayıb. O, Rusiyanın gələcək hücumunun qarşısının alınması üçün ABŞ-dan güclü təhlükəsizlik zəmanətlərinin vacibliyini vurğulayıb və hər iki tərəfin atəşkəsə ehtiyac duyduğunu bildirib.
Rusiyanın Dnepropetrovsk vilayətinin Pavloqrad şəhərində ticarət mərkəzinə hücumu nəticəsində azı 9 nəfərin yaralandığı bildirilir. Hadisənin nəticələrini əks etdirən görüntülər yayılıb.
ABŞ-nin İrana qarşı hərbi əməliyyatları fonunda Pentaqonun “Patriot” hava hücumundan müdafiə raketlərinin ehtiyatının 1,7 mindən aşağı düşdüyü bildirilir. Vaşinqton raket istehsalının sürətləndirilməsini tələb etsə də, ehtiyatların bərpasının iki ildən çox çəkə biləcəyi qeyd olunur.
Bolqarıstan Ukrayna səfirini ölkə hava məkanına daxil olaraq partlayan dronla bağlı izahat verməsi üçün çağırıb. Hadisə avqustun 8-də baş verib və dronun Ukraynaya məxsus “Maya” aparatı olduğu müəyyən edilib.
ABŞ-nin sabiq prezidenti Co Baydenin prostat xərçəngi ilə bağlı vəziyyətinin ağırlaşdığı bildirilib. Oğlu Hanter Bayden xərçəngin sümüklərə və digər nahiyələrə yayıldığını açıqlayıb.
Nikol Paşinyanın İlham Əliyevə telefon zəngi Azərbaycan-Ermənistan münasibətlərində sülh prosesinin yeni mərhələsinin göstəricisi kimi qiymətləndirilir. Telefon danışığında Vaşinqton razılaşmaları, sülh prosesi, iqtisadi-ticari əlaqələr və TRIPP layihəsi müzakirə edilib.
İran SEPAH nümayəndəsi Hüseyn Möhibi bildirib ki, ABŞ Tehranın şərtlərini qəbul edər və regional məsələlərə müdaxiləni dayandırarsa, Hörmüz boğazında gəmiçilik bərpa edilə bilər.
Politoloq Elxan Şahinoğlu ABŞ-ın Çini nüvə arsenalının məhdudlaşdırılması ilə bağlı danışıqlara cəlb etmək cəhdlərinin nəticəsiz qaldığını bildirib. Onun sözlərinə görə, Pekinin nüvə və ballistik raket potensialını artırması Vaşinqtonun Hind-Sakit okean regionunda hərbi strategiyasına ciddi təsir göstərir.
Milli Məclisin deputatı Səbinə Salmanova Azərbaycan-ABŞ münasibətlərində yeni mərhələnin formalaşdığını bildirib. O, Vaşinqton sammitindən sonra Ceyms Devid Vensin Bakıya səfərini və Strateji Tərəfdaşlıq Xartiyasının imzalanmasını iki ölkə arasında əməkdaşlığın institusional əsaslarının güclənməsi kimi qiymətləndirib.
Hikmət Hacıyev Vaşinqtonda Azərbaycan, ABŞ və Ermənistan liderlərinin üçtərəfli görüşünün birinci ildönümü ilə bağlı paylaşım edərək İlham Əliyevin həm müharibəni, həm də sülhü qazandığını vurğulayıb.
Donald Trampın 2025-ci ildə İlham Əliyev haqqında “Onunla düşmən olmaq istəməzsiniz” ifadəsini işlətməsi iki lider arasındakı münasibətlərin diqqət çəkən məqamlarından biri olub. Son bir ildə qarşılıqlı etimad və siyasi dəstəyin Azərbaycan-ABŞ əlaqələrinə yeni dinamika gətirdiyi vurğulanır.
Gürcüstanın Baş naziri İrakli Kobaxidze 2008-ci il Rusiya-Gürcüstan müharibəsinin genişmiqyaslı mərhələyə keçməsində Saakaşvili hakimiyyətinin Tsxinvalıya hücumunu əsas səbəb kimi göstərib.