Donald Tramp bildirib ki, İsveçrədən idxal olunan mallara qadağa qoymaqla ABŞ-nin bu ölkə ilə ticarət balansındakı 39 milyard dollarlıq kəsiri bir qərarla aradan qaldırıla bilər.
ABA sədri Zakir Nuriyev bildirib ki, kartdan-karta köçürmələrə məhdudiyyət tətbiq edilmir. Yeni qaydalar yalnız ödəniş alətlərinə mədaxil əməliyyatlarının sayına və aylıq məbləğinə aiddir.
Türkiyə, Səudiyyə Ərəbistanı və Pakistan "Məkkə müqaviləsi" adlı üçtərəfli müdafiə sazişini imzalayıb. Saziş kollektiv müdafiə, hərbi əməkdaşlıq və kəşfiyyat məlumatlarının mübadiləsini nəzərdə tutur.
Rusiya Müdafiə Nazirliyi Xarkov vilayətinin Aniskino yaşayış məntəqəsinə nəzarətin ələ keçirildiyini açıqlayıb. Ukrayna tərəfi məlumatı hələ təsdiqləməyib.
ABŞ Prezidenti Donald Tramp İranın Vaşinqtonla razılaşma əldə etmək istədiyini bildirib. O, Tehranın yeni hərbi zərbələrdən yayınmaq niyyətində olduğunu vurğulayıb.
ISW Rusiyanın ukraynalı hərbi əsirlərdən ibarət "Spetsnaz" adlı yeni briqada yaratdığını iddia edib. Hesabatda bunun Cenevrə Konvensiyasının pozuntusu ola biləcəyi vurğulanır.
Səudiyyə Ərəbistanına qarşı mümkün hücum hazırlığı ilə bağlı iddia gündəmə gəlib. Məlumata görə, husilər, İraq milisləri və SEPAH arasında bu istiqamətdə koordinasiya aparılır.
İqtisadiyyat naziri Mikayıl Cabbarov bildirib ki, "SOCAR Karbamid" zavodunda həyata keçirilən rəqəmsal transformasiya layihəsi istehsalın səmərəliliyini artırıb və beynəlxalq səviyyədə uğurlu model kimi qiymətləndirilib.
Prezident İlham Əliyevin imzaladığı sərəncamlarla Azərbaycanın Pakistan və Malayziyadakı səfirlərinin yerləri dəyişdirilib. İrfan Davudov Pakistana, Xəzər Fərhadov isə Malayziyaya səfir təyin olunub.
Səudiyyə Ərəbistanı, Türkiyə və Pakistanın müdafiə sahəsində əməkdaşlığa dair ortaq sənəd imzalaması gözlənilir. Görüş regionda artan təhlükəsizlik riskləri fonunda Ciddə şəhərində keçiriləcək.
Qara dənizdə "Nadezhda" adlı Türkiyə yük gəmisi PUA hücumuna məruz qalıb. Hadisənin görüntüləri yayılıb, ekipaj üzvlərindən bəziləri xəsarət alıb və sonradan Novorossiysk limanına təxliyə olunublar.
The Washington Post yazır ki, bəzi Avropa ölkələri Ukraynaya "Patriot" zenit-raket kompleksləri üçün tutucu raket verməkdən imtina edib. Bu vəziyyət Ukraynanın hava hücumundan müdafiə imkanlarına təsir göstərir.