Milli Məclisin deputatı Rizvan Nəbiyev 8 avqust 2025-ci ildə Vaşinqtonda keçirilən Azərbaycan-ABŞ-Ermənistan görüşünün regionda yeni siyasi mərhələnin əsasını qoyduğunu bildirib. Deputat sülh prosesinin hüquqi müstəvidə tamamlanmasının, nəqliyyat və iqtisadi əlaqələrin inkişafının Cənubi Qafqazda davamlı sülh və əməkdaşlıq üçün yeni imkanlar yaradacağını qeyd edib.
Ermənistanın Baş naziri Nikol Paşinyan Azərbaycan Prezidenti İlham Əliyevə telefonla zəng edib. Tərəflər Vaşinqton Sülh Sammitinin ildönümünü, sülh prosesində əldə olunan irəliləyişi, iqtisadi-ticari əlaqələri və TRIPP marşrutunun icrasını müzakirə ediblər.
Rusiyanın Samara vilayətində sənaye müəssisəsi PUA hücumuna məruz qalıb. Krasnodar diyarında PUA qalıqlarının düşməsi nəticəsində İlski neft emalı zavodunda yanğın baş verib və beş nəfər xəsarət alıb. Tula vilayətində isə yeddi PUA-nın məhv edildiyi açıqlanıb.
Milli Məclisin deputatı Arzuxan Əlizadə 8 avqust 2025-ci ildə Vaşinqtonda keçirilən Azərbaycan, Ermənistan və ABŞ liderlərinin görüşünü Cənubi Qafqazın siyasi tarixində mühüm hadisə kimi qiymətləndirib. O, sülh sazişinin razılaşdırılmış mətninin paraflanmasını və Birgə Bəyannamənin imzalanmasını xüsusi qeyd edib.
Fransanın xarici işlər naziri Jan-Noel Barro 2027-ci il prezident seçkiləri ərəfəsində ölkənin xarici müdaxilə cəhdlərinə dözməyəcəyini bildirib. Fransa hakimiyyəti bəzi namizədlərə qarşı aparılan dezinformasiya kampaniyalarının xaricdən idarə olunduğunu açıqlayıb.
Maliyyə Nazirliyinin hesabatına görə, iyulun 1-nə Azərbaycanda vergi borcları 4 milyard 50,4 milyon manata çatıb. Bu göstərici ilin əvvəlindən 22,4 faiz, son bir ildə isə 15,9 faiz artıb.
İranın Mircavə şəhərində hərbi obyektin yaxınlığında baş verən partlayış nəticəsində bir neçə hərbçinin öldüyü, bir neçə nəfərin yaralandığı bildirilir. Hadisə ilə bağlı rəsmi açıqlama verilməyib.
ABŞ-ın maliyyə naziri Skott Bessent İranla 30-60 günlük atəşkəs barədə razılaşmanın yaxın günlərdə əldə oluna biləcəyini və bunun növbəti danışıqlar üçün zəmin yaradacağını bildirib.
Millət vəkili Vüqar Bayramov bildirib ki, Vaşinqton sazişlərindən sonra Azərbaycan-ABŞ münasibətləri strateji mərhələyə keçib. Onun sözlərinə görə, ABŞ-a ixrac 38 faiz artıb, 7,5 milyard dollarlıq müqavilələr isə iqtisadi və texnoloji əməkdaşlığı gücləndirib.
Avropa İttifaqı Rusiyanın hərbi-sənaye kompleksi ilə əlaqəli olduğu bildirilən beş fiziki şəxsə qarşı yeni sanksiyalar tətbiq edib.
Krımın Yalta şəhərinə Ukraynaya məxsus pilotsuz katerlərlə hücum edildiyi iddia olunur. Hadisədən sonra şəhərin sahil hissəsində təxliyə aparılıb və zərərsizləşdirilən katerin minalardan təmizlənməsinə başlanılıb.
Rusiya ordusunun Odessaya endirdiyi zərbə nəticəsində "Çernomorets" stadionunun dam örtüyü və oturacaqları zədələnib, bir nəfər xəsarət alıb.