Ukrayna Xüsusi Əməliyyat Qüvvələri PUA-ların Rusiyanın Tümen vilayətində yerləşən “ZapSibNeftexim” neft-kimya kompleksinə zərbə endirdiyini bildirib. Zərbədən sonra müəssisənin ərazisində yanğın və dağıntıların qeydə alındığı açıqlanıb.
İran Prezidenti Məsud Pezeşkian ABŞ-nin ölkədəki daxili siyasi vəziyyətlə bağlı proqnozlarının yanlış olduğunu bildirib. O, Vaşinqtonun süni intellekt, casus şəbəkələri və agentlərdən əldə edilən məlumatlara əsaslandığını, lakin bu hesablamaların özünü doğrultmadığını deyib.
SEPAH nümayəndəsi Hüseyn Mohebi İranın bəzi ballistik raketlərinin uçuş zamanı trayektoriyasını dəyişə və yeni hədəfə yönələ bildiyini iddia edib. Onun sözlərinə görə, müasir müharibələrdə texnoloji üstünlük əsas amillərdən biridir.
Prezident İlham Əliyevin sərəncamı ilə Vaqif Sadıqov Azərbaycanın Belçika və Lüksemburqdakı səfiri, həmçinin Avropa İttifaqı yanında Nümayəndəliyinin başçısı vəzifələrindən geri çağırılıb. Məmməd Əhmədzadə isə Belçikaya yeni səfir təyin edilib.
Serbiya Prezidenti Aleksandr Vuçiç beynəlxalq gərginliyin artdığını bildirərək, dünyanın daha böyük müharibənin astanasında olduğunu və sülh istiqamətində kifayət qədər addım atılmadığını deyib.
Britaniyalı siyasi fəal Nikolas Lisak İranın Ali Lideri Müctəba Xameneinin mart ayından etibarən öldüyünü iddia edib. Onun bu açıqlaması müstəqil mənbələr tərəfindən təsdiqlənməyib.
Azərbaycan Prezidenti İlham Əliyev və Litvanın Baş naziri Mindauqas Sinkeviçyus telefon danışığı zamanı ikitərəfli münasibətləri, enerji və ticarət əməkdaşlığını, həmçinin Azərbaycan-Avropa İttifaqı əlaqələrini müzakirə ediblər.
93 yaşlı Kamerun Prezidenti Pol Biya iki aydan çoxdur ölkə xaricindədir. Onun uzun müddət ictimaiyyət qarşısında görünməməsi müxalifətin narahatlığına səbəb olub.
Prezident İlham Əliyev İran Prezidenti Məsud Pezeşkiana Azərbaycanla bağlı xoş fikirlərinə görə təşəkkür edib və iki xalqın çətin günlərdə bir-birinə dəstək olduğunu bildirib.
Britaniya hərbi dəniz qüvvələrinin pilotsuz aparatlarında quraşdırılan Çin komponentli kameraların Çindəki IP ünvanına texniki məlumat ötürdüyü aşkarlanıb. Müdafiə Nazirliyi cihazları internetdən ayırıb və həssas məlumatların sızmasına dair sübut olmadığını bildirib.
ABŞ administrasiyası Benyamin Netanyahunun Qəzza ilə bağlı sərt açıqlamalarına baxmayaraq, İsrailin Vaşinqtonun tələblərini yerinə yetirəcəyini gözləyir. Vaşinqton Netanyahunun mövqeyini İsraildə keçiriləcək seçkilərlə də əlaqələndirir.
Donald Tramp daha əvvəl onu məhkəmələrdə müdafiə edən hüquqşünas Uill Şarfı sentyabrın 1-dən Ağ Evin hüquq məsləhətçisi və prezidentin köməkçisi təyin edəcək.